Прычына ператварэння канадскага хакеіста з беларускім пашпартам Шарля Лінгле і абаронцы самага папулярнага хакейнага клуба Беларусі Яўгена Нагачова ў інструктараў, як ні парадаксальна, — у піве. Нядаўна гульцы ХК “Дынама-Мінск” наведалі найстарэйшы дзейны ў Беларусі бровар. Там, пад чуйным кіраўніцтвам супрацоўнікаў піўзавода яны навучыліся ўласнаручна варыць пенны напой. Гэты досвед уразіў спартсменаў настолькі, што, дакрануўшыся да таямніц піваварэння, хакеісты вырашылі прыняць эстафету і падзяліцца з калегамі-піваварамі сваімі сакрэтамі — навучыць “Аліварыю” натацца на каньках.

Урок праходзіў у ГЦ “Замак”. У якасці пачэснага вучня ўпэўнена ступіла на лёд галоўны півавар “Аліварыі” Наталля Арлова.

“У мяне за плячыма — спартыўнае мінулае, — распавяла півавар. — Я прафесійна займалася кіданнем кап'я, маю званне майстра спорта. Сёння я проста не магла прапусціць такое цікавае мерапрыемства, бо дух спаборніцтва — у мяне ў крыві”.

Да галоўнага півавара “Аліварыі” на лёдзе далучыліся журналісты, блогеры і аматары хакея. Дапаўняў кампанію плюшавы сімвал ХК “Дынама-Мінск” — энергічны зубр Волат, а каб пагружэнне ў вялікі хакей было максімальным, мадэратарам трэніроўкі выступіў спартыўны каментатар Аляксандр Дзмітрыеў.

Хакеісты паказвалі свайму імправізіраванаму класу, як хутка зрэагаваць на выкід шайбы, як правільна праходзіць паласу перашкод, і ахвотна каталіся парамі з сімпатычнымі дзяўчынамі. Пасля майстар-класа і практычных заняткаў аматараў хакея чакала справаздачная гульня — яны прабілі буліты пад дакладным кіраўніцтвам дынамаўцаў.

У завяршэнне мерапрыемства супрацоўнікі “Аліварыі” і хакеісты “Дынама-Мінск” сімвалічна абмяняліся кепкамі з лагатыпамі кампаній і паказалі відэаролік пра тое, як спартсмены варылі спецыяльную серыю піва “Аліварыя Дзясятка” — аднаго з самых лёгкіх і папулярных гатункаў у партфелі “Аліварыі”.

“Паспрабаваць сябе ў ролі півавараў было цікава. Варка піва і спартыўнае спаборніцтва падобныя, — сказаў падчас прэзентацыі “Аліварыі” ў новай упакоўцы Яўген Нагачоў. — Важная каманда, ад дзеянняў якой залежыць усё: якасць піва — у піваварэнні, вынікі гульні — у спорце”.

“У маім родным Монрэалі півавары вельмі актыўна падтрымліваюуь мясцовы хакейны клуб, — распавёў журналістам Шарль Лінгле. — Я вельмі спадзяюся, што супрацоўніцтва “Аліварыі“ і ХК “Дынама-Мінск“ будзе такім жа смачным, карысным і плённым“.

“Мы вырашылі зрабіць падарунак хакейным заўзятарам і выпусціцб іх любімае піва ў новай спецыяльнай упакоўцы. Разам са спартсменамі хакейнага клуба “Дынама-Мінск” нам удалося, здаецца, надаць нашай “Аліварыі Дзясятцы” новы — пераможны — настрой, — распавяла пра рашэнне піваварнай кампаніі запусціць спецыяльную серыю Наталля Арлова.

Спецыяльная серыя піва “Аліварыя Дзясятка” з лагатыпам «Дынама-Мінск» на ўпакоўцы будзе выпускацца на працягу ўсяго хакейнага сезона. Кошт напою не будзе адрознівацца ад звычайнага рознічнага кошту. Гэта піва з выявай шайбы на банцы, дарэчы, ужо адправілася на прылаўкі крам. Сёння прайшла прэзентацыя спецыяльнай серыі банкі, а крыху пазней у гандлі з'явяцца шкляная і ПЭТ-бутэлька.