Нашы праекты

Доблесныя ахоўнікі парадку на дарогах не выпісвалі штрафаў і не пазбаўлялі правоў, а праводзілі тлумачальную гутарку і дарылі падарункі. Дапамагалі ім у гэтым брэнд-менеджэр «Балтыка 0» у Беларусі Ганна Глаз і заслужаны майстар спорту Рэспублікі Беларусь, 8-разовая чэмпіёнка свету, самая тытулаваная беларуская велагоншчыца Наталля Цылінская.

Акцыя сабрала вялікую колькасць удзельнікаў і проста выпадковых мінчан, якія спыняліся, глядзелі, слухалі і фатаграфаваліся з 8-мі разовай чэмпіёнкай свету. Многія сыходзілі з цвёрдай упэўненасцю ў тым, што ў наступным годзе яны абавязкова папоўняць шэрагі веласіпедыстаў, якія прапагандуюць бяспечнае і адказнае кіраванне і, вядома, здаровы лад жыцця.

З мэтай зніжэння негатыўнага ўздзеяння на навакольнае асяроддзе ў кампаніі была распрацавана доўгатэрміновая праграма па асобным зборы адходаў «Зялёная смага», якая стартавала ў 2013 годзе і паспяхова рэалізуецца па гэты дзень. Праект уключае распаўсюджванне інфармацыі аб правілах «зялёных» паводзін; фарміраванне эка-арыентаванага мыслення ў супрацоўнікаў; раздзельны збор паперы, шкла і пластыка на тэрыторыі і ў офісах кампаніі, а таксама рацыянальнае выкарыстанне і эканомія прыродных рэсурсаў.

Аліварыя сумесна з УДАІ горада Мінска правяла акцыю "ЗА бяспечнае кіраванне", закліканую павысіць культуру дарожнага руху і адмовіцца ад ужывання алкаголю за рулём.

Прафесіяналы экстрэмальнай мота- і аўтасферы пагадзіліся праверыць сваё майстэрства кіравання ў нестандартнай сітуацыі. Для эксперыменту матагоншчык, інструктар школы экстрэмальнага кіравання, і выкладчык аўташколы з шматгадовым стажам паспрабавалі выканаць элементы, якім навучаюць у школах кіравання. Аднак зрабіць гэта ім трэба было ў спецыяльных акулярах, якія імітуюць стан п'янага чалавека. Эксперымент прымусіў задумацца пра культуру безалкагольнага кіравання нават майстроў з дзесяцігадовым стажам, што ўжо казаць пра тых кіроўцаў, якія толькі селі за руль.

Імя Караля Чапскага залатымі літарамі ўпісана ў гісторыю піваварнай кампаніі "Аліварыя". Па гэты дзень мы варым піва ў тым будынку, які быў пабудаваны мінскім кіраўніком горада графам Чапскім.

У сваёй сядзібе ў Станькава ў канцы ХІХ - пачатку ХХ стагоддзя Караль Чапскі ўкараняў перадавыя тэхналогіі таго часу, многія з якіх потым перанёс у Мінск.

«Аліварыя», сумесна з аўтарам праекта, архітэктарам Алегам Масліевым і пры падтрымцы Мінаблвыканкама і Міністэрства культуры, правяла рэстаўрацыю зоны адпачынку сядзібы Чапскага. Па гістарычных дакументах былі адноўлены ў першапачатковым выглядзе драўляныя прыстань і мост, каменныя лаўкі і іншыя аб'екты. Цэнтральным элементам выспы з'яўляецца ратонда з каланадай з васьмі калон. Такія ратонды - характэрны элемент многіх паркаў Беларусі, але гэтая - адна з нешматлікіх, якія захаваліся з XIX стагоддзя.

У дзень урачыстага адкрыцця зоны адпачынку сядзібы Станькава больш за 400 супрацоўнікаў «Аліварыі» прыводзілі ў парадак тэрыторыю «Вострава радасці».